Bu gün Füzuli Dövlət Dram Teatrının ali dərəcəli aktrisası İntizar Quliyevanın 61 yaşı tamam olur. Bu münasibətlə teatr kollektivi İntizar xanımı təbrik edir, ona möhkəm cansağlığı, işlərində uğurlar arzulayır.
İntizar Quliyeva 1963-cü il dekabrın 9-da Cəbrayıl rayonunun Daş Veysəlli kəndində anadan olub. 1989-cu ildən teatrda aktrisa kimi fəaliyyət göstərir. Yüksək yaradıcılıq qabiliyyəti olan aktrisa işlədiyi müddət ərzində Süleyman Rüstəm "Durna” Lalə, S.S.Axundov "Tamahkar” Nabat, C.M.Quluzadə"Danabaş kəndinin əhvalatı” Zeynəb, S.S.Axundov "Eşq və İntiqam” Qəmər, S.Axundov "Bəndalı bəndə düşüb” Püstə, S.Saxavət "Qapların o üzündə qalan qalan dünya” Alagöz, M.F.Axundzadə "Hacı Qara” Sona, C.Cabbarlı "Almaz” Almaz və s. rollarını canlandırıb.
İntizar Quliyeva 2019, 2020 və 2021-ci illərdə Prezident mükafatına layiq görülüb.
Ailəlidir, 2 övladı var.
