Füzuli Dövlət Dram Teatrında Yeni il tamaşasının premyerası olacaq.
Emil Əskərovun müəllifi olduğu və quruluş verdiyi bir hissəli “Şaxta baba və Pərilər” musiqili nağıl-tamaşada Yeni ilin gəlişini intizarla gözləyən pərilərin başına gələn hadisələrdən söhbət açılır.
Meşənin dərinliklərində yaşayan bəd niyyətli qarılarla mübarizədə Şaxta babanı xilas edən pərilər qalib gəlir və Yeni il şənlikləri başlayır.
Səhnə əsərində cərəyan edən hadisələr əyləncəli məzmunda təqdim olunsa da, burada əsas mahiyyət azyaşlı tamaşaçılarda xeyirxahlıq, doğruluq, təbiətə sevgi və qayğı hisslərini təlqin etmək, onları pis əməllərdən çəkindirməkdir.
Tamaşanın quruluşçu rəssamı Ellinaz Balaşova, musiqi tərtibatı Sənan Sevindikzadə, rejissor asisstenti Gülgəz Soltanovadır.
