Tamaşanın quruluşçu rejissoru əməkdar artist Asif Şirinov, quruluşçu rəssamı Ellinaz Balaşova, musiqi tərtibatçısı Ziyad Süleymanovdur. Tamaşada əsas rollarda Elşən Gözəlov, Ayşən Gülmalıyeva, Sehran Xanlarov, Vaqif Rəhimov, Sevinc Məmmədova və başqaları çıxış edib. Nəsimi yaradıcılığını və həyat hekayəsini əks etdirən tamaşa gələn qonaqlar tərəfindən böyük maraqla qarşılanıb. 

Sonda çıxış edənlər Nəsiminin böyük şəxsiyyət, dahi mütəfəkkir olduğunu qeyd ediblər və Nəsimi yaradıcılığının sevildiyi hər ilin xalqımız üçün "Nəsimi ili” olduğunu xüsusi vurğulayıblar. 

Məlumat üçün bildiririk ki, teatrın tədbirlər planına uyğun olaraq tamaşanın rayonun işğaldan azad olunmuş və yeni salınmış kənd və qəsəbələrində, "N” saylı hərbi hissələrdə nümayişi də nəzərdə tutulub.