“Yurda qayıdış” tamaşası Horadiz şəhər 2 nömrəli tam orta məktəbin kollektivinə təqdim edilib

Uzun illərdir ki, vətənindən uzaq düşmüş iki qocanın yurda- Cocuq Mərcanlıya qayıdışı, nikbin həyat fəlsəfəsi, gələcəyə inamlı baxışları əsərdə böyük məna kəsb edir. Son nəfəslərini vətəndə verən iki qoca bu əməlləri ilə bütün xalqı əzəli dədə-baba torpaqlarına qayıdışa səsləyir. 

Tamaşanın quruluşçu rejissoru Əli Hüseynov, quruluşçu rəssamı Ellinaz Balaşova, musiqi tərtibatçısı Nizami Süleymanovdur. 

Tamaşada əsas rollarda Sehran Xanlarov, Əli Hüseynov, Məryəm Məmmədova çıxış edir.